4 Aug: 100週線

(溫馨提示: 如有興趣,請留下MSN/FACEBOOK)



有心唔怕遲.上week恒指100週線收20447, 呢兩個week可以確認上破, 每逢低位都係買貨既時機.

真係reluctant炒股, 想長渣, 想啪埋一二面唔理佢, 唔想諗咁多既話... 我建議... shit, 呢隻唔講得, 但我相信我個圈子中既好多朋友或舊同學(簡單D講,即係窮人既圈子)每日都會享用佢既商場(Blog補充:講緊領匯)... ...

又或者係好易發發發果間銀行都可以(Blog補充:講緊渣打).

百年老店既洋行亦可以(Blog補充:講緊太古A).

唔好渣咁多現金, 死緊的, 你睇美匯指數跌到趴響度... 每個牛市都係泡沬既化身黎... 連我國係共產,係社會主義, 有多年宏調經驗既體系, 都避唔開泡沬既膨脹及最後既爆破... 避唔到的! 週期既威力就係咁大, 無可抗拒.

人性本貪, 你唔貪, 我只能講聲失敬... 小弟向以散戶自居, 唔會刻意逆本性, 逆唔到的, again, 無可抗拒.

好好享受呢個熊到牛,到牛二,到泡沫膨脹既過程, 充實自己個asset column, 耐不耐看看我group果張"沙士價"既圖... 順應週期運行.

-----

破位會唔會回吐?會唔會有大調整? 經驗話我聽, 會有好多架, 震死人架, 但幾時出現? 唔估了, 我05年估到07年了, 無乜邊次估中, 失去既卻係更多... 而家先黎入市既話, 首先要做既, 係預左俾貴10%. 俾貴10%,算吧啦,由佢啦.

各位,尤其係女士, 見到心儀既東西, 可能都會即刻買, 等唔切特價(而且會唔會有特價都唔知)... 買股一樣.