Project Terence

請移玉步

2010-02-04T00:19:00.000+08:00

這裏已成為歷史,請去 http://terence-story.blogspot.com/

4 Aug: 100週線

2009-08-04T00:11:00.002+08:00

(溫馨提示: 如有興趣,請留下MSN/FACEBOOK)有心唔怕遲.上week恒指100週線收20447, 呢兩個week可以確認上破, 每逢低位都係買貨既時機.真係reluctant炒股, 想長渣, 想啪埋一二面唔理佢, 唔想諗咁多既話... 我建議... shit, 呢隻唔講得, 但我相信我個圈子中既好多朋友或舊同學(簡單D講,即係窮人既圈子)每日都會享用佢既商場(Blog補充:講緊領匯)... ...又或者係好易發發發果間銀行都可以(Blog補充:講緊渣打).百年老店既洋行亦可以(Blog補充:講緊太古A).唔好渣咁多現金, 死緊的, 你睇美匯指數跌到趴響度... 每個牛市都係泡沬既化身黎... 連我國係共產,係社會主義, 有多年宏調經驗既體系, 都避唔開泡沬既膨脹及最後既爆破... 避唔到的! 週期既威力就係咁大, 無可抗拒.人性本貪, 你唔貪, 我只能講聲失敬...

2 Aug: 狼來了

2009-08-02T14:24:00.006+08:00

1. 大市既日均成交響連升三月後,已連跌兩個月:Feb - 400億 Mar - 466億Apr - 619億May - 798億(就算剔除配售工行,都應有760億)Jun - 731億Jul - 689億回顧過去幾個牛市,都會經歷成交連升後,反覆收縮既整固時期:[1996]- 日均成交由1996年1月既74.8億,連跌三個月至34.5億.- 期內恒指表現,唔算大插,但唔太郁,高係1996年2月既11600,低位係1996年3月既10231[2003-04]- 2003年4月恒指見底於8332,連升10個月至2004年2月,3月見過14058既高位後反覆下跌至2004年5月最低既10918.- 日均成交由2003年2月既56.7億,連升8個月至2003年10月既169億,跌個月,跟住再升兩個月至2004年1月既233億.- 跟住,日均成交卻反覆連跌6個月至2004年7月既107億.[

1 Aug: 回顧 (同寫於FB)

2009-08-01T21:51:00.000+08:00

人生在世滿27年了, 如果有80歲命,都行左1/3. 部份朋友都知我有寫blog, 第一個blog, 開始於07年既8月1日, 曾幾何時人氣都唔錯的, 亦因為果個blog識到一D好朋友... 各位如記得"元氣迴旋老鼠"呢件事,可能會有D印象... 果張相就係我放響果個blog度, 跟住傳開左出去的 :p但多人看,都有麻煩之處... 加上自己亦唔夠成熟, 惹黎一D令自己唔開心既事, 所以決定於26歲生日關閉第一個blog, 並於2008年8月8日 - 京奧開幕之日, 開我第二個blog. 第二blog我並無大事宣傳, 只係keep住D一直對我不離不棄既朋友, THANKS~ 回看, 呢幾年我響網絡世界既動作, 真係見證左一個股市循環... 由07年7月尾開始急跌, 8月17日"大奇蹟日", 急升到10月既31958點, 然後溫總剎停直通車, 股市隨後急跌, 牛市結束, 08年初樓市小陽春,

1 Aug: 7月業績

2009-08-01T01:09:00.002+08:00

短炒組合7月業績由4月3日收市起點計,至7月底,恒指,國指及短炒組合回報如下:恒指: 14545->20573,升 41.4%;國指: 8574 ->12123,升41.3%; (唔係咁岩呀fa?)組合: 升 46%;辛苦經營,終於跑贏大市! 主要因為興業太陽能及五礦建設立下既汗馬功勞.-----各位如有興趣於facebook交流,請留下閣下所用email,等小弟add各位.

27 Jul: 揀股

2009-07-27T06:51:00.000+08:00

都好耐無響哩度揀股...長線,唔想煩,大棍勾落去搏一兩年有幾十%就滿足既話,按FRI收市價計,我有幾個選擇:1. 長實(94年至今,每個牛頂都高過上一個,每個熊底都高過上一個.)2. 恒生(08年都派6.3息,同07年持平,睇怕09年唔會減,07年高位去到3.7%yield咁低,我當係4%,相常於股價=158蚊)3. 領匯(呢隻唔駛講,我相信租金增長黎緊呢幾年,仲可按每半年+5%既速度.... 兩年內股價見25蚊唔難)進取D,我而家重倉既係:1. 富力 <2777>2. 世茂 <813>3. 興業太陽能 <750>輕倉既有:4. 茂業 <848>5. 五礦建設 <230>6. 北控水務 <371>再進取D,揀幾隻幾十倍股,每隻放好少錢,講緊合共唔好超過資產1/10:1. 華保亞洲<810> (睇陸東)2. 國際資源<1051>(睇劉央,搏係蒙能翻版)3. 中航科工<2357>(

26 Jul: 21000~26000 係真正既蟹貨區

2009-07-26T12:39:00.002+08:00

友人提醒先記得,呢個係去年3-5月熊二反彈既屈死人區域.星期一如無意外就會高開,再一次破20000. 而家要考慮既係,20000後又如何.當日2007年10月牛三終極急升見頂,至2008年5月熊二反彈見頂,到2008年8月跌穿大三角形後既後抽受阻於三角底部,確立大三角形態,展開熊市最後既急跌, 由20000點,兩個月內跌到10676,熊市結束.呢個三角形底部延伸至今,目前位於23500... 從極度悲觀既角度考慮, 由2008年10月見底後至今,仲係跌穿三角形後既後抽罷了.所以,突破20000後, 由20000至23500,或俾多1000點,由20000至24500, 響恒指/國指每次創新高後,都要留意任何背馳現象,小弟睇既野其實好簡單(除1.之外,其他重要性不分先後):1. 主板成交金額唔同步創新高(如有大型配股/招股,要勾返相關果個金額出黎);2. 恒指國指唔同步破頂;3.

19 Jul: 牛市二期

2009-07-19T09:53:00.000+08:00

由6月12日既高位19161跌至7月13日既17185,調整期約一個月,由高位跌去1976點,或10.4%.調整闊度足夠,調整深度未必夠... 由3月9日低位11344開始計至6月12日,升幅7817點,上述調整相等於7817既25.2%...呢個回吐幅度,個人則認為足夠... 如調整0.382,調整目標則為16175.我目前傾向認為牛市一期已完結... 並已用一個月整固... 可能會有陸東講既再調整一次至16500, I DONT CARE. 因為16500同17185,相距好少. 整固後,隨之而來既係牛市二期,就算唔係而家,2009下半年都會開始. ... 呢個時期會好長... 可能係各位相像唔到既咁長... 因為我相信中央將會有措施吸資,並重施宏觀調控... 但係,各位要記住... 2004年,國務院都出過宏調,調控鋼鐵水泥電解鋁三大"兩高"行業... 結果係,宏調過後,

15 Jul: 通則的例外

2009-07-15T08:16:00.003+08:00

人固然要有既定想法... 但響股市,往往要抱"通則的例外"呢個後著.3月9日,恒指一支大陰插到尾跌577點至11344收市,全日主板成交358億,事後證明已是中期底部.3月10日,恒指升198點,成交335億... 反彈成交縮?4月28日,跌285點至14555收市(並較4月16日既4月高位15977下跌1422點),成交562億.4月29日,升402點,成交 507億.事後證明,4月28日係至今既低位.通則的例外,唔可以一本通書睇到老... 既然市場(包括我自己)似乎對510億升600幾點有保留,雖然我唔敢妄用相反智慧,自以為可以勝過市場,但我可以採另一做法 - 唔理成交.要有準備調整隨時已於前日完成, 時間上,亦已距離頂部(6月12日)一個月,整固時間唔係長,但唔可以話唔足夠.再吼,都係內房,新配搭為太陽能.背後既精神係,於熊市中,唔好對異常既沽壓感到驚訝,而於牛市中,

14 Jul: 看兩樣東西

2009-07-14T08:20:00.001+08:00

1. 係咪陽燭到尾,上影線要短.2. 成交,理想既係有700億以上,唔得都要有630億以上,即係較上日多20%.否則,今日裂口高開,適宜當係跌破50天線後既後抽, 後抽後會再跌.

6 Jun: 九成半孖展IPO

2009-07-06T22:19:00.001+08:00

(同寫於Facebook)最近又興起一個老問題 - 呢隻抽唔抽好呀? 果隻又抽唔抽?呢個問題,因股而異... 我反而想講返一個我近幾年成日講既野 - 決定去馬,就一定要用孖展抽... 9成?唔夠!可以既話,用95%,甚至99%!點樣可以做超過9成孖展黎IPO?就係要用盡一切可以用既OD或Revolving loan... 銀行成日寄野打電話sell,你地一定接觸過...但保守既人就會第一時間say no,其實係好好用的,只要唔好用佢地黎做一D長線既野或無資本增值既活動(例如用左黎去旅行).點解要用超過九成?因為對一般散戶而言,老本唔多,如果想IPO入"pool B",一開始要出50萬甚至更多(假設已做九成IPO孖展),唔係個個可以動用50萬咁多(例如本身已有樓或股票,鎖死左D錢)...所以要善用上述既OD/RL額.Pool B好處係,劃一分配率,係必定可以獲分一個百分比...另外,

5 Jul: 6月三頂不破

2009-07-05T10:37:00.004+08:00

最近比較忙,事實上,對個市真係無乜study.其實任何時候,市況都係得三個選擇 - 升,跌,牛皮(當係賭波既主客和吧...),我當每個既出現機率都係1/3.表面證供如下:1. 恒指月線圖,3,4,5月三連陽後,6月係十字星,7月目前為止係陰.傳統智慧係仆硬街既訊號.留意7月以18780高開後(高開402點),已是目前整個月既高位(雖然只係得兩日^^)2. 一直強調資金市主導,近期成交金額已見回落:2月 - 399.5(億)3月 - 465.94月 - 619.15月 - 798.06月 - 731.37月 - 613.5無錢無得升,係咁.3. 6月一個月內做左三個頂出黎,分別係2/6既18916,12/6既19161及30/6既18883...三頂不破(其實好多人都講呢樣).結合上述,升,跌,牛皮,似乎係以跌同牛皮既機會較大...就算係一樣概率,買左就算唔跌,牛皮個感覺都好PK...

5 Jul: 6月業績

2009-07-05T10:33:00.002+08:00

短炒組合6月業績由4月3日收市起點計,至6月底,恒指,國指及短炒組合回報如下:恒指: 14545->18378,升 26.4%;國指: 8574 ->10962,升 27.9%;組合: 升 27.0%;

24 Jun: 看錯了

2009-06-24T08:44:00.002+08:00

看錯了,主觀意願太強烈,忽略短線急挫對自己既傷害力,星期一錯過好位減持,今天要開始減持.由於持貨多,而且短期急跌暫時喘定,一下沽清離場並非良好做法,我會逐隻黎,我個做法,係先將最強勢既沽出... 唔係話強者越強?yes.但係如信顯著調整週期已現,強勢股最終會跟隨,反而過殘既可能會先行反彈,所以我選擇先沽強勢股(跌幅較少者).

17 Jun: 沽出訊號?

2009-06-17T08:14:00.003+08:00

友人喜用DMI黎分析市況.恒指昨日已出沽出訊號,個股好多都陸續出現同樣既沽出訊號...但呢個沽出訊號,響牛市既威力會減半 - 如果呢個係牛市的話.我認為去年10月已見熊市底部,今年3月始係進一步確認牛市重臨.恒指50天線已於昨日升破250天線(高出一點:p),我印象中,50天線升破250天線呢個訊號既準確度,於近20年係極高...之前既錢係持續咁大量流入,先會產生呢個咁難出現既黃金交叉.的確,琴晚美股再跌,今朝港股可以一開又裂口300咁跌落黎,係好難說服人要淡定.個人認為,5月27日以裂口上升破250天線,從未現強勁後抽,如今連跌三天(包括今日),將會下試250天線(現於16697),仲有千幾點可以跌,會唔會先行沽出呢?自問已失先機,唔會咁做了;另外,正在上移既50天線亦可以係支持位.呢次調整,由最強既東風率先帶領,並非壞事.東風既沽出訊號基本上已確認,如再吼,首選都係佢;

12 Jun: 調整前既最後直路

2009-06-12T08:31:00.002+08:00

1. 成交背馳2. RSI背馳今日如跟ADR升破19000,咁就會令18900附近果個於6月初至今形成既多重頂阻力失效,我個人係傾向要追既,因為如破19000,又繼續向頭肩底目標進發.但係上面兩個背馳現象不可不防,尤其係一直個信念係資金市,我選擇擁抱呢個泡沫,但係唔夠資金就推唔郁.故,再一次用以果推因既不合理分析法,今日可能既走勢係要有大成交(如900億)升破18967附近產生既多重阻力,展開調整前既最後一段直線上升.如果今日高開卻呈低走局面,就唔會加注了...所以,做法係,開市唔會追住,等佢自己玩一陣先,反正有貨在手.無貨既話,都係要考慮較落後既前期主力.東風,走勢唔靚,但資金市,嘗試override呢個走勢吧~

9 Jun: 把握上車機會 X 2

2009-06-09T08:41:00.003+08:00

上車吧,認為熊市已於08年10月見底,並認為牛市已於09年既1月及3月獲進一步確認的話(我係其一信徒),放膽買吧~恒指50天線將於約六個交易日後升破250天線,首先,咁樣反映近日升勢太勁,要抖氣(呢幾日已抖緊);其次,50天線升破250天線需要既購買力非同小可,係兩種張力既結合 - 第一,係購買力強大令到50天線可以持續上升;第二,係之前既中期跌勢太勁太急,令平穩如250天線都要向下走,兩者到達一個臨介點,就會產生50天線穿250天線既黃金交叉.如以前所說,呢D黃金交叉係短線獲利減持既信號,但牛市中唔好諗住有好低既位俾人上車,估唔到既就係頂,摸唔到既就係底...覺得自己轉身慢既話,無謂走出走入.好似03-07年,04年3月亦出現左為時約兩個半月既調整,由約14000輾轉回試11000,但已經係牛市初期最後既低位上車機會...其實睇返08年10月見頂,09年3月已作一次幅度極深既回吐,

5 Jun: 營造水尾

2009-06-05T08:20:00.003+08:00

恒指16740開始計,升到前日高位18967,升幅2227,如回吐0.38,目標為18116.而琴日低位係18108,今日如跟ADR反彈,則確認回吐目標已達,繼續之前未完既走勢.之前未完既走勢為複式頭肩底量度目標20000-21000之間.5月20一文仍然有效,見http://project-terence.blogspot.com/2009/05/20-may.html.最大隱憂係,6月1~3日既走勢,可能已對中期升勢產生不良影響...其實,係一個擬似小雙頂,就算6月3日係破頂,亦係收市新高,都不改可能係一個小雙頂既格局,因為6月3日既高位墓碑形態已反映,市場響目前既相對高位,已產生猶豫.琴日係低位搥頭,從保守考慮,可以先當係調整剛開始好友既垂死掙扎,除非今日可以維持高收,成交可以有1000億甚至以上.點解要成千億咁多?因為都要考慮埋成份股變動產生既額外成交量.

4 Jun: 把握上車機會

2009-06-04T08:36:00.003+08:00

呢兩日,自己個短炒組合有令人意外既表現,而由於雙日轉向後昨日再出現一粒十字星,響利潤顯著及兵荒馬亂(期指突然亂隊)下,決定清倉離場,果一刻係怕唔知有何突發事件,令期指短時間高位回吐600點,最後更以day low收.呢個接近三個月既升勢,公認係資金市,只要資金猶在,就要買升.我沽貨,第一係睇唔通超短線(講緊係一兩日),因為對個股黎講,一兩日已有權回10%甚至更多,我認為唔值得take呢個risk(因為真係唔知發生乜事);第二係,之前個組合,亦有相當多問題,包括唔郁甚至微蝕既股票都有唔少,組合回報主要係靠兩三隻突出既拉起,所以係時候要清倉重新檢討有冇要改善既地方,如果一直有貨,就好似斷唔到尾咁,有礙自己檢討.今日可以從新部署存貨.我用恒指16740開始計,升到琴日高位18967,升幅2227,如屬回吐,0.382及0.5目標分別為18116及17854.但如果相信中期係升勢既時候,

2 Jun: 自製既股災

2009-06-02T08:17:00.002+08:00

真係高興仲有睇我個blog既讀者呢~標題為"自製既股災", 係想講下我對des問題既意見 - 應該唔應該沽貨?我反對而家沽貨,因為我已經確認呢個係牛市,除非未來三個月50天線升唔穿250天線.牛市既策略唔係高沽,而係低撈,意圖走多幾轉,高沽低買返,對我黎講唔易辨.真係要沽貨,原因大概係發覺揀錯股,要換去另一隻度.點解呢個係牛市,因為係泡沬,泡沬不用講堅實既理由.如果而家沽,佢再升到20000,自己實唔會咁高買返,咁佢再升到30000,更加唔會買,一次,兩次,慢慢忘記07年10月既教訓時,40000先黎買,then牛市玩完 - 呢個就係自製既股災.簡單D講,對自己而言,令自己輸錢既先叫股災,08年唔輸錢,就無股災呢回事.點解輸錢?因為係響牛市中太早沽貨,太遲買貨,及響後來既熊市中太早買貨,太遲沽貨,然後又因為熊市咁既做法,令自己響跟住既牛市太早沽貨,太遲買貨...VICIOUS CYCLE

29 May: 5月業績

2009-05-29T23:50:00.002+08:00

短炒組合5月業績由4月3日收市起點計,至5月底,恒指,國指及短炒組合回報如下:恒指: 14545->18171,升 24.9%;國指: 8574 ->10428,升 21.6%;組合: 1000 -> 1237,升 23.7%;乜要跑贏大市真係咁難.-----4-5月辛苦經營,但呢兩個月合計係跑輸大市,原因:1. 過度分散 (但亦因為咁有時令我幸免於難)2. 戀棧 (4月戀棧中通服,5月就戀棧吉利同中渝)3. 報仇心理 (買賣過幾次瑞房,輸時輸唔多,但多次係由贏變輸...證明佢未必適合自己個炒法)4. 忽略 (世茂,呢一隻係名單既常客黎,我呢兩個月有買佢,但無捉到佢最勁果段)5. 現金水平過高其實所謂跑輸既原因,都係事後孔明,尤其係第一點,過度分散拖低組合回報,但都係咁岩大市升得爆勁o者,如果係跌市,分散可能減輕損失.短炒組合分佈(至29/5收市)175 - 6.3%272 - 6.1%

21 May: Buy

2009-05-21T08:26:00.003+08:00

即市炒賣,就唔敢講要buy,今日好大可能都只係牛皮悶局,ADR好似跌近200點,但如果真係咁樣開,我唔認為即市下望空間會好大,全日高低可能都係得200-300點.低開,可以再行入市既板塊,個人認為非二三線內房莫屬,龍頭如富力中海華潤置地等,入市唔係唔得,但佢地可能重覆緊平保既走勢 - 最早一批現50穿250既黃金交叉,又係最早一批停哂手既股票(平保由4月初至前日都係高位徘徊,拒絕再升)... 自己跟進開既二三線內房,目前認為中渝仲有不俗既上望空間,4蚊雖然守唔到,但從吸納既角度考慮,呢D水平幾吸引.山水水泥軟哂,可以慢慢收集(我已開始).吉利,公司集資,大股東亦有套現,的確,技術上1.4幾果D位阻力係好大了,收集可以. :p我個出發點係,而家如果唔買D,到時爆上去又追唔追?追到氣都咳埋,得個吉,不如慢慢開始收集.如果真係看一兩日,我so far又睇唔到有咩股值得炒.

20 May: 捉浪

2009-05-20T08:19:00.003+08:00

今朝係上車好時機,目標直指複式頭肩底目標20000-21000.股市唔係只升不跌,但如何掌握timing,就係art more than science.佢可能跌返去15000,但可能係夾到去20000-21000先黎跌返去15000,咁17000->20000呢段,上唔上?另一個問題,係咪一定去到20000?又,係咪一定回到15000?所以諗太多野,有時候係得個吉,因為幫唔到自己做決策.其實要問既只係一樣野 - 買定沽定乜都唔做?琴日同人傾完,我就拋出一句 - 50%信心都要買,因為到今日為止,3月以來仲係上升,看好既觀點如下:1. 複式頭肩底頸線於5月初升破至今,大半個月來從未跌穿,近幾日兩度下試(約16300)都現強勁反彈,已確認為一個支持黎.2. 前日係破腳穿頭大陽燭式既上破旗型,但成交唔配合;但琴日既跳GAP上升,有成交配合,我視之為確認破旗型既走勢.3. 5月初10天線欲跌破

19 May - 泡沫 (亦寫於facebook)

2009-05-19T08:09:00.004+08:00

(原文寫於上星期五既facebook)對. 大好友既我,都認為呢個係一個泡沬.三月中我覺得要做一隻牛... 而家我仍然認為要繼續做一隻牛.泡沫係好可怕的,佢一開始令人望而生畏,不敢行近,及後慢慢瘋狂,最後不能自拔 - 泡沫爆破. 精妙之處係,泡沫既苗頭一旦燃起,係唔會咁輕易消失...我而家話你聽,恒指可以好輕鬆升破07年高位,你會唔會相信?事實,我的確係咁認為,因為我暫時定義,呢一個浪,係類似99-00年科網泡沬果種同經濟因素完完全全背道而馳既升浪.但係,話之佢,結論都係升,00年既樓價仲起碼係97年時期既8折,但恒指係破過97時既高位...股市就係咁既一回事.股市既泡沫係好可怕的.暫時係呢個看法,直至金管局停止接美元沽盤為止,再重新思考.-----看淡?唔係要馬後炮講返轉頭,而係要諗下而家要點做.我上week星期四大難不死後,keep重倉到星期五,最後認為自己既好運唔會持續太耐,

15 May: 大難不死,必有...??

2009-05-15T00:49:00.001+08:00

今日(即係14/5),真係講你都唔信.短炒組合,手持7股,最後收市,5升2跌,整體係升.大難不死,唔知是福是禍.但襯自己傻人有傻福,暫時繼續傻仔落去吧~

14 May: 上得山多...

2009-05-14T08:24:00.004+08:00

16908至蝕位已經應用唔到,因為今朝一野就會破.再來係諗,係咪要去到一開市裂口低6-700點黎離場,我個人暫時傾向觀望.一野暴跌而自己係持貨,的確難受,5月辛苦經營既利潤可能5分鐘內就會消失.我係相信16000果個支持位,因為自從5月初升破呢個16000所謂複式頭肩底頸線後,恒指更兩度升破250天線,頸線阻力確認升破,依書直讀,恒指目標為約20000-21000...而升破頸線既後抽,亦有權(而且經常)回落至頸線附近.講就的確好易,但知易行難 - 16000係有支持,但挨足千幾點,個股波幅更大,呢個心理關卡唔易衝破,就算衝破左都未必有好結果.今朝如果按ADR,開就到16400甚至更低,我已有心理準備成個短炒組合會起碼唔見5%...而響呢個時候,唔只要憂慮手上持股(止蝕?),仲要諗係咪應該要加注,溝落唔溝上從來都係短炒大忌,但既然有一個故事大綱,又係咪應該要執行呢?16400,離

13 May: 音樂椅

2009-05-13T08:36:00.002+08:00

呢個遊戲係一個音樂椅黎,自問身手夠唔夠快去玩?我琴日再度入市,因為如前日高開低收代表調整開始,加上恒指巳升足兩個月,升幅56%,一旦開始調整甚至係新跌浪,淡友戰意無理由咁弱 - 但事實,淡友只係夾低左個市一陣間,百零點,就唔肯再攻,我就選擇"現在未屆調整時"呢個看法.雖然係咁,但唔一定要買貨,因為大市極有可能又做幾隻烏鴉(好似第一次試升破16000果幾日,不果,跟住就落返去14400附近先再展升浪)...我選擇入市,的確係火中取粟既做法,因為,我寧願響17000再持貨,好過等恒指再挑250天線時乜貨都無,屆時我相信自己決策會更淩亂.而我買入既股,除左東風外,都調整左幾日了:489691136827773818(股票-30%;現金-70%)因為入貨既重大假設就係升浪未完,對自己黎講,無謂又回過頭來質疑"上望仲有幾多?",根本唔可以提出呢個質疑,因為就係假設左升浪未完,就唔應該估頂;反之,

12 May: 名單

2009-05-12T08:10:00.003+08:00

我張名單其實有幾十隻股,但到最後,來來去去都會係買果幾隻,而且通常係贏過錢既 :p.觀察中既"短炒"or"中炒"既目標:吉利 175瑞房 272東風 489山水 691世房 813茂業 848中渝 1224特步 1368百麗 1880中材 1893重機 2722富力 2777雅居樂 3383動向 3818金山 3888佢地部份係自去年10月以來,一直沿住條10天線上升,甚少會大幅跌穿10天線.-----花絮:平保琴日出現50天線升穿250天線既黃金交叉...如無意外,國壽今日都會出現呢個黃金交叉...而佢地踏入4月後都已經死哂火,我相信係黃金交叉產生既整固罷了.

11 May: 離場策略至重要

2009-05-11T22:13:00.004+08:00

升破再跌破,係要走.下午竟然仲有一個咁好既價位俾我清理272,489同691,實在幸運,272要蝕少少(約3%),但489同691到今日仲升好多(691最後收跌),呢兩隻回報算不俗.臨開市前,朋友話美期跌緊幾十點,而日本亦由升轉跌,再加上我早上先知匯控有業績公佈,再一次臨場縮沙,無加注.當然,其實開市加注,又肯走的話,應該普遍都可以賺,但自己膽小,避免左一個麻煩.下午回來,恒指便順應A股倒跌而由高位回左100點,竟然仲會可以彈返小小,我因為無即時報價,已叫清倉,清既位相當不俗,算托賴.當然,望住5.2既山水水泥,我4.9沽就賺少一截,亦唔敢講聽日會續跌...BUT,計左數先,反正,大市收市亦顯著低於250天線...得而復失,並非佳兆.短炒組合回報(起始日為4月3日,以1000為基數):4月3日 - 10004月30日 - 11015月11日 - 1157唔駛計都知跑輸恒指...

10 May: 山水,瑞房,東風,百麗

2009-05-10T21:33:00.002+08:00

短炒組合發展如下:瑞房 - 5.8%東風 - 8.8%山水 - 14.9%Cash - 70.5%唔好等調整,當呢個市係07年8-10月果劑黎看待.星期一開市應該可以破17450既250天線,我強調並非視250天線為牛熊分界線,但當佢係由第二次既大型反彈浪中升破(第一次係2008年3-5月時),可信性會提高,而且兩個反彈浪相隔一年,250天線既說服力更會增加...當然,凡事始終非絕對,當升破250天線又跌破,就要先信反彈浪結束,要先行沽貨黎場.-----個市咁樣升,根本無得用散戶既常理去解釋,上一次出現咁既情況係07年817 deep v反彈後由20000升到10月底既31958呢一個牛市終極升浪... 記憶猶新,當時散戶(包括我自己)亦係不斷尋求解釋.不要再問,資金市往往係升到去一個完全難以理喻既地步.-----而家先黎入市,就要深明自己係玩緊一個乜野遊戲了.東風個特性係破頂就會抖氣,

9 May: 轉軚

2009-05-09T12:26:00.003+08:00

我轉軚,唔係轉看淡... 而係轉為更加看好.我記得我07年9月舊blog,當時9月中聯儲第一次減息後,恒指響持續攀升一個月後再由24500跳gap上25500,當時我就講左句"而家叫人唔買就係on居".我07年817 deep v後係有追貨,但一直係畏首畏尾... 就係現在呢D心情,我相信好多散戶都係咁.而家2009年5月,我要再講一句:"而家叫人唔入市,就真係ON居!"... 呢句,而家升左6000幾點黎講,似乎的確好不智.再加多句,"升市莫估頂".點解要咁樣轉軚法?因為唔轉都於事無補.轉左軚,豁然開朗,同一個市況,但個landscape就完全唔同哂.係咪好危險?係.呢個係泡沫黎,但我相信只係形成既初期...切忌響初期就勒住哂.第一個警號會係 - 金管局停沽港元隨附既係,港元拆息回升.見到呢兩個訊號至走都唔遲.

7 May: 牛市 = 泡沬

2009-05-07T08:17:00.006+08:00

剛睇了胡孟青於蘋果的專欄,原文如下:內地超人氣女作家明曉溪之言情小說《泡沫之夏》，最近在台灣被改編成同名偶像劇，卡士有大 S和黃曉明，相信有機會重演十年前《流星花園》熱潮，因為故事包裝正中八十年代後年輕人心態，推銷術就係讀心術。在投資市場實戰中，對心態的掌握較基本數據或技術分析更派用場。睇過去用 Hindsight；睇未來，一位讀心理學出身的朋友就對時下投資者情緒與決策行為關係作出細緻分析：人始終係群體動物，難以不受友儕影響，行為取捨未必絕對會按是非黑白對錯模式，例如你的另一半認為唔應該在露台加裝圍欄，原因係會影響美觀、阻礙視線，甚至干擾手機接收，最關鍵原因係成幢樓都冇人做，說來有點刻意砌詞為反對而反對。但係你見到個個月都有大人因為抹窗跌落街，更何況好奇嘅小朋友，為保護家人，當然係據理力爭。連日常生活小事一樁亦有大爭議，更何況錢銀大事。係唔係人做你先做，人哋唔做你就唔可以做呢？

6 May: 同今日黃國英之見相近

2009-05-06T08:21:00.002+08:00

英之見：三日唔對路要止蝕對冲基金策略靈活多變，股市大升反而可能是災難。用期權以小博大，以較低注碼限制潛在損失之外，果斷止蝕亦是非常重要的一點。不少人獲利的次數會比損手的為多，可是「贏粒糖，輸間廠」，令少數的失誤變成致命傷，要防止這種情況出現，一定要有止蝕的機制。一般人設置止蝕，主要以價位作準則，視乎正股的波幅，多數是以 10至 20%左右的距離止蝕，這個準則十分流行，亦沒有問題。一向自以為有特異功能，因此在價位之外，亦加入時間作為考慮。通常會有一件關鍵事件作為目標，例如是出業績，或者是新產品推出市場等，在關鍵事件發生之後，最多等 3日，如果捱價甚至是股價紋風不動，便決心平倉止蝕，只會在有盈餘的狀況之下，才會繼續堅持。未觸及止蝕位都要走在今次甲型流感事件中，上述策略便可以減少損失。甲型流感表面利淡，跟風追沽並無所謂，不能輸打贏要，當時的確是有機會忽然大跌，可是事件發生了 3日之後，

5 May: 市之將亡,必有...

2009-05-05T08:27:00.005+08:00

呢個"巿",可以係牛市,亦可以係熊市...尤記得07年IMONEY誕生,大市隨即見頂...係見一個40年既頂喎,咪話唔準...今個星期,無啦啦發現蘋果多左兩個專欄,一個係林少陽,一個係胡孟青...林少陽,OK架,值得細閱(但我唔期望佢響蘋果會有乜野講)...胡孟青,老實講,只係一個財演罷了,當年佢係同鄧聲興拍住上的,物以類聚,佢本身有冇料我唔知,我只係見佢傳播媒介講既野,入世未深既小股民咪好似好有啟發囉,有返咁上下功力既,就得啖笑罷了.-----大市琴日既意義,不妨可以看看今日蘋果邱古奇所講,我係認同既...而我琴日響U仔既"lam922"亦重生了,我講既係,短炒想看好,要追無問題,亦唔好再等(註:我無諗過ADR仲可以夾高幾百點),一定要明白一樣野,萬一唔買,萬二唔買,萬五都唔買,而家先想買,好明顯就唔係出於基本因素,而係出於市場氣氛,人之所以為人亦正因為有呢個情緒,唔好逆呢個情緒,

30 Apr: 炒股組合第一份月度業績

2009-04-30T22:34:00.003+08:00

由4月3日收市起點計,至4月底,恒指,國指及炒股組合回報如下(組合我唔disclose實際金額了,用1000做基數吧~):恒指: 14545->15520,升 6.7%;國指: 8574 -> 9084,升 5.9%;組合: 1000 -> 1101,升10.1%;(唔計過都唔知,國指係跑輸的!)好彩,都係跑贏大市...呵呵,係馬後炮架啦~我純粹係想認認真真統計一下自己個"業績"如何罷了~-----今日買左吉利,至4月底為止合共持有四隻股比重如下:175 - 12.7%691 - 13.2%813 - 7.9%2777- 7.7%Cash- 58.5%-----後抽既諗法,響今朝上午既400億成交下徹底被擊破,今日既我打到昨日既我,中午的我打到上午的我...要我再追入東風世茂等,實在過唔到自己果關,揀,揀隻吉利吧~山水水泥已經預左會有配股套現,大摩渣好多貨的,但唔驚,

29 Apr: 炒股組合

2009-04-29T08:17:00.002+08:00

自從3/4一役後,我建立一個炒股組合,同我個長線"等死"組合(405,823,2888,3968)分開處理.呢個炒股組合,我會每個月底檢討一下表現,我當然希望做到馬前炮,但事實上都幾難,我本身唔會set甚麼戒條,純炒,甚多時候係憑直覺:P呢個月未完,但先講講呢個月幾單大既戰役(我只談炒股組合,等死組合唔會講).1. 中國動向<3818>.呢隻算係捉到一個升浪,不過捉唔哂.2. 山水水泥<691>.呢隻響佢公佈業績既前一日買,公佈後再買,雖然佢最後有一日單日升近20%前既一日我已沽清,但利潤不俗.3. 駿威<203>.有得賺.4. 紫金<2899>.有得賺,但捉唔到後期果段連升N咁多日.5. 牛證熊證都買過,整體係有得賺.6. 中間買過一D死火股,渣最耐既係中通服<552>,又一次證明,買一D唔熟悉既股票,係事倍功半.另外中逾<1224>,招金<1818>,東風<489>,聯想<992>,

3 Apr: 睇錯哂

2009-04-03T01:28:00.001+08:00

錯哂.都未試過咁frustrated...就算前年一日輸廿萬果次(有睇舊blog既朋友都應該知)都無咁犀利...完全被玩弄於掌上,錯哂,全盤錯哂... 雖然有長線持有組合,但響呢個急升既市中持有大量現金,沽左無買返,係錯哂.今次個打擊好大,尤其一直有跟進既內房,今次我完全受惠唔到,點解?我做咁多野,睇咁多野,諗咁多野,一日既升市都捕捉唔到,今次損失(機會成本)太大,實在好難接受.算了,再一次,我要停筆了,停幾耐唔知,但實在無野可以再寫了.

2 Apr: 去年11月及12月的啟示

2009-04-02T08:19:00.005+08:00

響公司...唔cap圖了,自己看看恒指去年11月初及12月中,都有類似目前呢個市況 - 響低位回升左一段,維持強勢,急插兩日,卻又拒絕再插,大有低位曙光初現既走勢,均線亦變得十分靚仔,有哂支持咁款.如睇返去年11月初,11月5及6日兩支大陰燭,合計由15317跌到去11月7日既13273,兩日半跌去13.3%,之後回升到11月10日既15147,結果都係玩完,反覆跌到去11月21既11814先止跌.12月中又如何?12月11日高位15781.跌到去翌日低位14479,日半跌去8.3%,然後格硬升到12月17日既15557就回落,回至12月24日既13855,跟住又格硬抽返上去1月7日既15793,然後就無再升越呢個位... ...有幾個啟示:1.恒指今朝如按ADR,會見近13900,離3月27日既高位14257,只係得不足400點之遙;2.按去年11月初及12月中兩個市況,見高位後既回吐

2 Apr: 成交既雙底

2009-04-02T01:34:00.003+08:00

由去年9月至今,香港主板既日均成交金額如下:2008年9月 - 675.1億港元10 - 616.8億11 - 472.9億12 - 430.5億1 - 477.4億2 - 399.5億3 - 462.7億4 - 511.0億(暫時) 成交金額可能已於2月見底...港交所股價唔通已經預示左呢樣野?-----鋼鐵股,我只會用黎短炒.基本因素,佢地既週期性好明顯,長線黎講,捉錯路損失會好大(包括OPPORTUNITY COSTS)...我只會睇圖炒 :p

1 Apr: 靜

2009-04-01T08:53:00.002+08:00

急跌兩日後回升,更岩岩收響10天及100天線上,畫都無咁準.短炒,我自己唔會貿然行動,因為自問睇唔通了.一動不如一靜.(小弟只餘長線組合,沒有短炒組合).-----好似有D馬後炮...目前長線組合為:40000股 405 @1.2|預測2009年每股股息0.241200股 2888 @72(兩注,77及67)|預測2009年每股股息4.83500股 3968 @11.9|預測2009年每股股息0.42500股 941 @68|預測2009年每股股息3.02組合成本21萬.真係長線組合,唔會出入頻密,好似2888,唔會為100無沽到而唔開心,我更加想佢過幾個月回返到70幾俾我再入.目標仲有領匯及港交所...領匯嘛,租金升值潛力價厚,同越房唔同,越房stablized哂,只能靠印新股獲注資,growth既潛力極微(所以去到得返10厘yield我覺得就無謂買)...領匯,180項資產,響香港4

31 Mar: 三連陰?

2009-03-31T08:25:00.003+08:00

之前由工行帶出既升浪,可能係最後一波.近月以來,內銀都係大落後,因為第四季業績反映佢地既增長有大幅放緩...工行出既業績,根本只係市場下限,毫無驚喜,但市場雖然我長線樂觀,但當日工行勁升,我msn同朋友都提出過質疑...一間全球市值最大既銀行,全球投資者都注視,資訊不對稱理應不大,點解會響公佈左一份毫無驚喜既業績後可以一日急升15%?高盛延遲沽貨既威力,恐怕只係大戶既手段擺了.一直以來,我都唔主張將"大戶"一詞無窮放大,好多散戶用"大戶"一詞形容任何一個市場異動,升係因為大戶想升,跌係因為大戶想跌,呢種一廂情願既諗法,我係唔認同...但今次我要破例了,由美國既CITI及BA話1月份2月份業績好後,美股就展現強勢,跟住全球都炒"數據無市場預測咁差",從而到香港炒份無料到既工行業績...而家,CITI及BA又話3月份麻麻地,美國又話驚車廠倒閉云云...從目前既事態發展,

30 Mar: 一個日本經濟學家的反思

2009-03-30T12:53:00.000+08:00

(錄自forum,其標示來源為人民日報)自去年年底開始，一本名為《資本主義為什麼自滅？》的經濟學書籍在日本持續暢銷。這本書還有一個意味深長的副題——《結構改革急先鋒的懺悔書》。　　作者是日本著名經濟學家中穀岩，早年在美國哈佛大學取得博士學位，曾在一橋大學等高校出任教授，在小淵惠三內閣和小泉純一郎內閣時期擔當政府智囊。麻生太郎首相3月中旬召集的各界名流智囊會議中也有中穀岩。他現任三菱UFJ調查咨詢機構理事長、多摩大學校長。　　中穀岩首先在書中介紹了寫作意圖：“日本套用基於美國個人主義價值觀形成的新自由主義思想推進改革，結果導致日本喪失優良傳統和產業競爭力，日本社會開始分裂。我要坦率地寫下自己的觀察。”中穀坦言，過去相信資源分配應該盡可能交給反映個人自由意志的“市場”，“國家”應該盡可能回避介入“市場”。換言之，為了最大限度尊重個人自由，政府的作用越小越好。

29 Mar: 恒指關鍵12833

2009-03-29T14:32:00.004+08:00

恒指現於14120;10週線為12998,20週線為13533.值得留意既係,週線圖上,3月23日以13001開出,較3月20日既收市12833裂口高開近170點,呢個裂口從未回補.從裂口回補看,呢個裂口點都要試下,那怕係十點八點,都要試.如果完全補回(即跌破12833),反映上升趨勢可能告終.日線圖現於14119,10週線為13414,100週線為13579.日線已連續4日上企100週線之上,成交亦顯著回升,我認為已經確認升破100週線.雖然日線圖既陷阱更加多,但響呢個亂局中,短炒止蝕係好重要,寧願錯過機會,再等,好過俾人殺到片甲不留,想報仇都無戰力...可以先視2月10日高位13976係支持(上星期五已經試過),再跌破,短炒既好友要先行離場.

27 Mar: 任志剛: 量化寬鬆利弊兩存

2009-03-27T09:23:00.000+08:00

最近大家可能經常聽到「量化寬鬆」這個術語來形容美國等先進國家現時採取的貨幣政策。不少人索性稱之為「開機印鈔票」，當中意思明顯不過。其實，「量化寬鬆」並不一定要加印實物鈔票，可以是為貨幣市場提供充足的流動資金，即是為本土的銀行同業市場提供充足的流動資金，促使互相拆借，令借貸成本（即同業拆息）維持在極低水平，最終希望能夠惠及所有借款人，支持整體經濟運作。實際上，「量化寬鬆」能否達到預期效果，取決於銀行的反應，特別是否能夠將充裕的流動資金及低廉的資金成本惠及借款人。當然，銀行可能要考慮借款人的信貸風險及銀行本身的資本充足程度等因素，來決定是否支持增加貸款。但一般來說，「量化寬鬆」確實能夠支持整體經濟，並有助紓緩或遏抑經濟逆轉的影響。利：促銀行放水推動復蘇技術上，央行在實行「量化寬鬆」的貨幣政策時，會向市場拆出資金或買入資產，並在銀行結算戶口上記入相關結算金額，從而達到創造貨幣的效果。

26 Mar: 牛一特徵

2009-03-26T21:37:00.002+08:00

1. 某些基本因素在改善呢類基本因素,往往係普羅大眾唔易察覺,好隱性,亦好慢性.信貸市場係回暖緊,我相信好多同我一樣做Commercial Banking既人都應該感受到...有人係做緊野,銀行係做緊野.信貸市場好轉,普羅大眾唔會太感受到,因為佢地距離遠,甚至唔明信貸同經濟既關係;再者,失業率仲係上升緊,人工係減緊,市民更難感受到信貸市場好轉呢個事實(因為佢地未直接受惠).正正就係信貸開始活化,機構先有錢開展投資,咁先可以搞活資本市場,從而帶動經濟建設...呢個過程係好慢長,亦好唔明顯,但往往,投資良機就係響呢D時候出現.2. 通脹預期蘊釀近幾個月越黎越多人擔心通縮,企業減少投資,加快減債...但響越黎越多國家進行"QE"後,資金會開始氾濫,越黎越多既錢(而且仲係增加緊)去追逐少量優質資產.3. 講多過做只從早幾日鄧普頓個光頭佬既"牛市論",牛一呢個字開始流傳,其實好多老散開始講牛一,

24 Mar: 高開唔追

2009-03-24T08:16:00.003+08:00

高開唔追,唔沽就當買左了,我自己唔會高開幾百點黎追,我唔會睇太淡,因為mkt已經話左佢個睇法係點...就由果D堅持要做淡既人螳臂擋車吧...我個忠告係,響一個跌左十幾個月六成幾既股市再沽,風險回報係唔成正比,平手或賺少少走已經偷笑,諗下,上WEEK係咁叻"高位"做淡倉,賺幾百點夠唔夠?琴日一野嘔突哂.-----黃金係OK...但我個人認為只岩短炒,因為無CASHFLOW;不如揀人民幣由強CASHFLOW既資產,中移動既然唔肯再跌,若有兩注既,咪先買一注囉;得一注既搏佢10天(66.4)企唔穩回頭果下買吧.又好似之前我個人對市場投資取向既看法,應該會慢慢偏離一D虛浮既野,會先將重點放響一D能見度高,"硬"資產上,941係一種,收租既REITS係一種...越房405表現可見一斑,我自己1.2買的,唔會放了,我唔期望佢股價大升,因為REITS既BEAUTY不在CAPITAL GAIN,而係

21 Mar: 3月關鍵

2009-03-21T21:13:00.005+08:00

2008年3月第2週,恒指低見20572後反彈,至2008年8月第3週先再跌破,該週低見20350.2008年10月第4週,恒指低見10676後反彈,至今尚未跌破該水平,按2008年3月至8月既時間差距,黎緊3月餘下時間就係最大機會跌破10676...反之,如果屆時10676仲守得住,可能反映氣氛同2008年3月那次已經不同.一個很另類既觀察.-----941,都係要講講.縱合佢既ROE,BALANCE SHEET,同CASHFLOW,我覺得佢都係值得留意既長線投資黎既,按香港既情況,就算競爭咁激烈既市場,ARPU都有止跌既一日,無可能無止境咁跌的.好似我以前用開幾十蚊既plan,都會為左3G而使多D,3G係一樣你一旦用開,就好難唔用既東西...舊既obsolete,新既技術又會枱台...人類幾千年黎都係咁架啦~假設盈利增長10%,人民幣匯率唔變,派息比率維持43%,09年預測派息

20 Mar: 中移動因素 <- 失望 >_<

2009-03-20T08:01:00.002+08:00

... ...diu ...唔理佢了...-----17/3(星期二)開市12948,最高先做13226,但後回至全日最低12854,收12878.高位出現呢個咁既墓碑型態十分利淡.及後,外圍不俗,但恒指始終唔可以上破13226,就算係琴日咁好時機 - 美國因為聯儲"QE"先跌後急升,大陸又急升,香港自己成交又活躍,國指大幅跑贏恒指,咁都唔可以掂到13226,莫講話係100天線所在既13529...昨日,我只係得一個問題 - 恒指等乜?我想唔通,而且公司D野好煩,有排煩,選擇將短炒組合全線沽出(兩隻內房),而前日亦已將招行沽掉.回看2008年至今,恒指既明顯反彈,升破10天線後,都會先回試10天線再上(08年7月果次,就連再上都無力,直插了).-----但個別板塊,不妨可以短炒下金屬資源股,呵呵呵,我真係好耐無嗌買呢類野了~

19 Mar: 中移動因素

2009-03-19T08:20:00.003+08:00

中移動,我估計有可能增加派息比率,因為佢要pump錢俾母公司發展.傳統上,早年既國企央企,為左上市,會將D靚野放入去上市既公司集資(你D野唔靚,IPO既反應都唔會大),唔靚既就繼續放響母公司度,待他日營運上左軌道,就"唧"落去上市公司度.當年中移動(我指上市果間941)都係咁,唔係個個省市既網都放左響941,因為有D仲未得,及後先再由941問母公司買,同樣例子都響華創(291),招商局(144),天津發展(882)等等上市國企央企出現.所以母公司通常都好渣,要靠下面上市果間公司派息上去支持營運.據我了解,941呢個CASE,特別在其母公司需要cash黎發展3G(甚至4G?),發展上軌道後才放落去941.(我無做過深入既了解,有錯請更正.)941絕對有incentive增加派息比率(係比率,唔只係派息絕對數值).如果增加到50%,我相信市場氣氛會更熱烈.-----美國既"QE"(量化寬鬆)

17 Mar: 先當後抽

2009-03-17T08:22:00.002+08:00

冚淡倉潮唔會咁快完,睇琴晚AIG,CITI到終場都仲維持可觀升幅可見一斑.畢竟而家唔係大牛市,而且港股升穿10天線後未現回吐,今日(或今明兩日)可能就係一個升破阻力後抽既時段,要有心理準備挨一千點(去返10天線附近12000左右).琴晚美股個勢係未跌完,如果股票比重超高(>70%),我覺得可以先減持,套現一筆等回吐再買過.但我個人既長線鐵膽(405,2888,及部份3968)就唔會郁,當初既設計,長線組合佔比1/4,目的就係唔想走出走入.有朋友問2888會唔會跌返去70幾蚊,我話唔知,但會就更好,屆時再加少少...我唔係主張長期作戰既人,但係用財富中既一部份(如1/4)響低位(至少果一刻認為係)買入一D自己認為防守性極高既股份(如我自己揀了405,2888),係長線增加收入來源既必需,為未來歲月舖路.

16 Mar: 半年光陰

2009-03-16T21:43:00.001+08:00

主流股中,起碼有5隻股已經破左或接近半年來既高位...半年前,恒指仲做緊16000.恒指既動力其實仲係十足,有好多股都未發力...唔知係咪我一廂情願既想法?算了,放風箏吧~

16 Mar: 如果

2009-03-16T08:34:00.002+08:00

如果今日呈高開低收,就算係全日低位都宜減磅,尤其係未出業績既股(如小弟持有既招行 :p)如果今日高開後無顯著回落,就可以抱"莫估頂"既心態,放盡D.我個人認為今日後者既機會較大,因為我估計惡意沽空者唔會咁急開新淡倉,而係把握機會低位平舊淡倉.恒指隨美股連升幾日,表面升得好急,但要考慮之前係好低殘,而家講緊都係12500,較低位高10%而已,首站目標50天線13200阻力唔會太大.我用較簡單既比例,由低位反彈30%,反彈目標約14700.

14 Mar: 盲牛

2009-03-14T18:42:00.003+08:00

我覺得信貸市場的確係好轉,估計當中原因,乃來自中資銀行既政策性貸款...一直以來,經濟衰退既元兇,係信貸市場收縮...既然信貸市場似開始回暖,不妨對經濟樂觀一點.3月11日恒指高開500幾點已係全日最高,但高開低收,最後只係升200幾點,成交仲顯著回升 - 大成交高開低收,理應氣數已盡,但淡友主力卻選擇候低平淡倉套利,反映淡友戰意疲弱(的確,由2月上旬掂唔到14000,輾轉下跌左一個月,期間毫無似樣既反彈).但係,從成交上,港股有D隱憂,尤其星期四做過285億既全日低成交金額,令我有D汗顏.1月既日均成交為477億,2月為399億,3月至今係404億,但唔好忘記匯控宣佈供股後既成交(包括正股及衍生工具)係相當活躍,扣除呢個因素,3月既日均成交好可能係低過2月...咁就不妙,反映3月既反彈,只係一個短暫反彈,無水支持既升市係唔會持久的.所以,最好維持係上落市格局,升市中,既然遲左上車,

13 Mar: 牛

2009-03-13T00:30:00.000+08:00

開始做一隻牛吧~三個現象,兩個已經開始.第一,拆息已經低企左好耐.第二,信貸市場開始回暖.(個人於行內既感覺)第三仲未攪掂既,係失業率見頂,黎緊大學fresh grad,如果起薪返返去5000-6000呢D沙士價,就要密切留意失業率是否蘊釀見頂.呢期公司既業績太仆街,所以2008年個基數會好低... ...

12 Mar: 上車?

2009-03-12T08:28:00.004+08:00

淡友之前其實大好形勢,加上匯控事件令市場立立亂,但中資類股堅挺,令淡友未能借勢破10676,反而令113xx呢個位產生支持...呢兩個位係咪一個雙底,只能馬後炮先知,而家要預測,就要靠估.回想,美股之前連橫暴跌,又12年新低,又14(15?)年新低云云,CITI驚現<1美元既除牌價...但香港破左2009年底,再破2008年11月既底,就止跌,其實同美股係一個底背馳黎;如今,CITI都已經去返1.54美元(低位回升左50%!),說穿了,暴跌暴升,都係對沖活動舞高弄低作怪而已...響呢個背景底下,市況不外乎係連升幾日就夾好倉,連跌幾日就夾淡倉,咁樣大戶先可以響已經淡靜既市況牟取厚利.結論係,前日暴升,係正常不過,唔好因為跌得多而麻木,認為升市係好新奇既事(例如,如果你前日仲會問"都唔明點解經濟咁差都升咁多",反映閣下仲係停留響自己既主觀角度睇市,好易捉蟲).另外,又係睇值搏率,用10676

11 Mar: 毋須急沽

2009-03-11T08:27:00.002+08:00

我話毋須急沽,唔係認為大市從此大升特升,長升長有毋須急沽,係想避免將來的麻煩.以小弟既scenario,12000入左市,即刻奶野,果頭買果頭跌,都無乜點理佢,因為已有相當多既類似經驗了...既然難挨既果一段都挨過左,無謂初現回升既早段就急急沽售,因為佢再升又唔知追唔追好...係咪一定再升呢?我只能從簡單既值搏率黎睇,大市由年初至今其實都係反復下跌,一浪低於一浪,呢d都係事實,但我個人觀察所得,港股約兩個月(當然會有誤差)會有一個循環,照計數,其實已近回升之時,琴日係第一日,今日係第二日,都仲係響回升初期,大市由年初高位15763跌到前日既11344,兩個月跌左28%,吊頸都要抖下氣;大戶響熊三淡市"chok上chok落"黎搵大茶飯,唔會一面倒買死一邊,否則挾倉(好或淡)既效果會大減.所以,好似我咁買左貨既,除非手持既股有根本性既問題,否則,一動不如一靜.

7 Mar: 成交的啟示

2009-03-07T20:42:00.000+08:00

好遺憾,再有一個指標可能反映恒指去年10676並非低位.用2002/03年為例,主板按月既日均成交跌至2002年12月既48.33億元止跌,當月恒指最低位9245點;但恒指未見底,反覆跌至2003年4月既8332先見底,但日均成交已回升至72.13億.可能,主板成交係一個領先指標.遺憾我冇更多數據引證.恒指跌至2008年10月既10676,當時日均成交為616.77億元;剛過去既2009年2月,恒指低位12635,但日均成交持續下跌至399.51億元...日均成交仲係下跌尋底中.另外,亦反映一個傳統智慧 - 牛市,要由資金推動,無資金就無牛市...但成交究竟可以跌到乜野水平,真係難說.-----推而廣之,就係港交所.2008年日均成交721億,港交所EPS=4.75,日均成交同EPS個關聯度好大,可以假設係同步.按2009年目前既發展,日均成交好可能會跌到去400億甚至更低,如果係跌到

7 Mar: 細價樓有可為

2009-03-07T17:36:00.002+08:00

金融海潚,但都要住.住開1000呎,可能要住800呎;租開10000蚊,可能要轉租8000蚊.一D一百鬆d萬既樓,應有可作為.我預計呢兩年內,按掲息率都唔會超過3厘.一個500呎100萬既樓,3厘供,20年,三成首期,月供約3900蚊;呎租8蚊,每月收4000蚊返黎,夠供樓.應有一定投資價值.

6 Mar: 無須太恐慌 II

2009-03-06T08:18:00.002+08:00

前日就會怨點解星期一唔入.琴日或今日就會怨點解前日入.何苦呢?

5 Mar: 上證

2009-03-04T23:55:00.003+08:00

上證呢幾個月以黎係最近磅既一個市場...最有牛一FEEL既市場.中國仲係全球增長最快既地區之一,率先踏入牛一,合情合理.

3 Mar: 無須太恐慌

2009-03-03T08:35:00.002+08:00

10676係咪低,唔太重要,如果心儀既股票已經進入目標買入範圍,果斷訂立買貨策略吧~我自己就睇中招行,就算2009,2010呢兩年業績都普通,現價亦相當吸引.內房,呢個行業我中性,但再揀,我暫時唔會揀二三線既公司,因為佢地受既威脅較大...弱肉強食,揀中國海外<688>吧~匯控我係唔會選的,真係要揀,我會揀渣打<2888>.另外,如果持有匯控,無法架啦,一係今日開市即沽,如選擇繼續持有,毋須考慮了,供吧~

28 Feb: 小心成為三月既翻版

2009-02-28T11:51:00.005+08:00

恒指連續7週收低於10週平均線,每次反彈都可能成為加淡倉既時機,累積沽壓會越黎越大.雖然我謂要小心成為去年三月後既翻版,但始終沽售壓力係無當時咁大(無左好多衍生工具帶動既斬倉潮),市況應該會成為陰跌,慢跌,淡靜既局面.國指情況類似:-----大市雖然只係持續牛皮,未現大插插(我都唔認為會,大波幅既日子已過),部份股其實跌幅頗大,我亦認為具備投資價值.招行<3968>,一貫放貸較中工建三行謹慎,較著重非利息收入,但我相信招行會順應國策,及時增加放貸,因為基數相對較低,其利息收入增長空間較大,響環球"回歸基本步"風氣底下,傳統既業務其實可看高一線,如銀行既放貸業務.當然,招行既利息收入會下降(因為股市低迷),唔好期望招行2009可以有顯著增長,有增長已經收貨了,放眼既係未來幾年,銀行傳統業務收入會響中國經濟持增長下(那怕係8%定7%)有穩定增長,預計招行股東回報率(ROE)可以維持15~

27 Feb: 當花旗銀行成為花旗既銀行

2009-02-27T23:41:00.004+08:00

行出左第一步了.36%,只係一個開始.就好似當日countrywide出事,以為係個別事件一樣.國有化對股價既反映,詳見fannie mae and freddy mac.-----我寫於facebook的note:花旗銀行終於成為真正的花旗銀行 - 花旗的銀行.36%只是一個起步...一邊說不會國有化,另一邊卻將本身已經持有的優先股轉化成普通股,作為一個旁觀者,我只能聯想到以下:1. 銀行本身盈利,甚至現金流,都十分差,付不起優先股的利息.2. 承上,可以預期,普通股於一段時期內,都不會恢復派息.這將會影響長線機構投資者對其的估值.3. 政府入市的資金(雖然是次轉換並無額外注資)出於納稅人,既然持普通股36%,若政府沒有掌握相稱的話事權,可以想像美國的議員將會窮追猛打.4. 不要忘記,此前,花旗銀行大股東乃中東富豪甚麼甚麽德王子.是次轉換,將會進一步影響全球油元的資金流向.政府突然(

26 Feb: 陶冬: 金融海啸第二波?

2009-02-26T13:29:00.004+08:00

http://blog.sina.com.cn/s/blog_467a66b00100bv1w.html金融海啸有没有第二波？自2007年8月次贷危机大规模爆发至今，已有一年半，但金融危机与愈演愈烈，实体经济的收缩远大过预期。2008年9月的雷曼兄弟破产，更将整个银行体系推向了崩溃的边缘。不仅市场陷入恐慌性抛售，而且全球经济也滑向“二战”后最严重的衰退之中。全球金融海啸的特征是突然性和高蔓延性。意外随时可能发生，不过经过一轮去杠杆化和价格调整，金融市场火烧连营的能量已大幅降低，同时各国政府严阵以待、通力配合。因此，出现雷曼兄弟倒闭后那种失控状况的可能性减小了（但无法排除），但是制造危机的温床依然存在。笔者看来，2009年，至少有５个风暴随时可能出现。1、CDS市场。银行同业拆借利率被央行的零利率政策打压下去了。不过，公司债市场利率仍然高企，银行惜贷情况依然严重。如果这种情况得不到迅速改善

23 Feb: 藍燈籠

2009-02-23T22:39:00.000+08:00

第一,和黃,公認既藍燈籠.第二,國指跑輸恒指.again,上落市罷了.12000-14000.

22 Feb: 看法

2009-02-22T15:40:00.003+08:00

我個人短炒既已經走哂,勝負都無乜點計過,捉中隻華創,但衰左內房,我諗扯平吧~我會用1/4資金,建立一個超長線收息既組合,呢1/4,買左就唔會理佢,就好似每年有多一份bonus咁.基於個人情意結,越房<405>唔駛講,so far仲未放(10月低位入的),自然亦係長線收息組合其一...佢既1.85億美元銀團已經refinanced,我估計佢既all-in cost係L+2%至L+2.5%,對佢既財務壓力影響其實唔算太大...租金係有下調壓力,但佢5個物業全部係二三線,出租率係99.x%,有防守性.渣打<2888>及招行<3968>亦係組合之一.渣打有國際網絡之餘,次按對佢既影響係相對細既,當經濟復甦(唔知幾時,亦無須要估),佢既根基令佢可以快人一步.招行,的確,佢目前派息唔吸引,但我見到既係佢既增長潛力(更加係相對其他內銀而言),而且係人民幣資產.領匯<823>亦係目標之一...但,

22 Feb: 國有化

2009-02-22T15:03:00.005+08:00

似乎,眾人(包括我)對奧巴馬存在太多不切實際既幻想.國有化銀行基本上已經係惟一既途徑.而家美資銀行其實已經係半生不活,你由佢地苟且偷生,佢地都唔會借錢出去.要明白,銀行既最基本功能係吸收存款後放貸俾人.我地小存戶唔知邊D人信得過,所以就存俾銀行,銀行憑其專業知識及風險管理能力,將呢D存款借俾值得信賴既人/公司 - 銀行係將市場閒資重新配置到信得過既人/公司,加速佢地既營運,產生經濟效益.但係呢種係一樣高風險低回報既工作 - 贏,只係贏利息;輸,可以輸哂利息加本金...慢慢地,銀行就越做越多飯數,賺取利息以外既一次性"非利息收入",餐餐清,袋左落袋就算... 慢慢導致今日既局面.目前,銀行已經唔肯借錢出去,尤其係本身都經營困難既銀行,由佢地咁既款,等既,就係繼續高薪養果班最高管理層...而家咁既時勢,佢地仲點會借錢出去?借左驚收唔返,間間銀行都驚自己做左傻仔.繼續注資,

20 Feb: 提防新斬倉潮

2009-02-20T11:46:00.003+08:00

http://hk.news.yahoo.com/event/fc/20090220/inubs.html明報專訊】銀行帳戶保密機制，向被視為瑞士在全球銀行業競爭中最重要優勢。有分析形容，瑞銀交出帳戶資料，勢重挫瑞士銀行業，亦令其離岸（offshore）金融服務市場的前景亮起紅燈。但瑞士政府仍試圖派定心丸，聲稱瑞銀只提交涉及稅務詐騙罪行客戶的資料，瑞士銀行保密制「依然完整」。西方國家07年底掀起追稅風暴，夾處瑞士與奧地利之間的列茲敦士登率先遭殃。這個迷你小國靠低稅與銀行保密政策立足於歐洲，追稅風暴掐斷這一經濟命脈，令該國陷入數十年最嚴重經濟危機。但這對全球金融業的影響，比不上美國政府狙擊瑞銀。瑞士是全球最大離岸金融中心，管理7萬億美元相關資產中的1/3。瑞士銀行業吸引外國富豪使用其服務的法寶，是實施帳戶資料保密不申報制度，令客戶私隱得到極大保障。根據瑞士法律，單純逃稅不算刑事犯罪，

9 Feb: 災

2009-02-09T06:28:00.002+08:00

澳洲火災,英國雪災,中國旱災,香港亦迎來流感高峰...呢D野,可能會係跟住呢一兩個星期既主題... 小心為上.KC:個人認為盈富基金唔值搏...按ADR,今日一開都升3%,響高開3%再ask for5%,即係全日8%...如果唔係一日內完成,又要考慮,如果今日仲係高收,明天又能唔能否持續?如果回跌,止唔止蝕好?如果唔止蝕,又會唔會產生短炒變長線?當我代入呢個角色時,我會覺得好束手無策,唔知點好咁.既然係要搏,我都係回歸圖表,睇下邊隻股既上望水平,明顯多於止蝕水平(如三倍,響10蚊買入,止蝕於9蚊,但上望係13,咁就係三倍了,仲要考慮埋高追呢既價位.).

8 Feb: 週線

2009-02-08T10:08:00.006+08:00

KC:我個人唔會而家先黎買A50.其實就算係其他連升多日既國企都唔會,例如有人問我星期一好唔好入國壽,我個回應就係"連升左5日先黎追?".其實有好多國企都連升左4-5日,我唔會而家先黎入了~就算係短炒,值搏空間都已經好細,長渣更加唔應該升得火紅火綠時黎買~所以我傾向揀落後既藍籌,揀落後因為值搏空間較大,揀藍籌因為佢地有長期既track record及質素.除昨講既長實信置外,我亦留意華創291.主因都係因為落後;而且華創屬非週期性既股,業務較平民化,有一炒既誘因.2009年高位15.2,低位10.9:信置,2009年高位9.78,低位6.48:當然,佢地落後,可能係有一定理由,有權落後既繼續落後,但我揀佢地擺明車馬係炒落後.我覺得要記響心既係,而家先黎入市,係炒,短炒,市況逆轉時要按原定既止蝕行動.而家係咪BUY AND HOLD既時機呢?對我而言唔係...

7 Feb: 幸運

2009-02-07T11:09:00.005+08:00

先慢慢享受呢個反彈既樂趣吧~繼內房發力,資金會輪流搵落後既板塊,我相信而家仲想追貨既話,藍籌本地地產股會係不俗既選擇...1同83都係唔錯既選擇.首先要明白,咁係"炒",無謂多講,"炒"就唔可以有太多偏見,乜都應該可以炒一餐...抗拒呢種做法,就要回歸基本步,升咪等下囉,等唔到咪渣cash囉.我呢個星期已入足哂貨,就算係反彈,呢個反彈可以好勁.中國亦然,美國亦然,香港亦然...我如再買野,會係換馬了~另外,有D熊市既威力點解咁大?正正係因為中間既大反彈,換黎更大既沽壓,例子係2008年3月果一次由20573彈兩個月到5月既26387,其後卻係水銀瀉地咁跌到去10月尾既10676...呢似會唔會都係咁?太遙遠了~-----週線/10週線/20週線都匯聚了,響匯聚中迎來呢個上升週期,應該會有約8-10週既升浪,中間當然會調整,但係向上格局主導.另外,而家亦已產生一個一底高於一底既格局,分別係

4 Feb: 千億銀團貸款恐外資收遮任志剛﹕最壞情况政府可放款企業

2009-02-04T09:19:00.000+08:00

【明報專訊】金融管理局總裁任志剛一再提出「預警」，而關注的焦點由以往的中小企信貸，伸延至大企業銀團貸款。他昨天指出，今年本港有逾1000億元銀團貸款到期，需要續期，在外資銀行「落雨收遮」下，融資的重任落在本港銀行身上。他警告若情况轉壞，政府可能要直接參與，以解企業燃眉之急。但銀行界人士及立法會議員都認為，政府承擔企業貸款要審慎行事，否則會浪費納稅人金錢。任志剛昨日出席立法會財經事務委員會會議，善於管理公眾期望的他，再次「出口術」。談及信貸供應狀况時，他主動揭露市場估計今年將有逾1000億元銀團貸款到期，需要續期或重組。他說歐美外資行對貸款續期的態度「一定會保守」，由於外資行需要處理自身問題，「但若外資行不參與銀團貸款，香港的銀行能否補上，就是一個關鍵」。根據資訊公司湯森路透的資料，本港今年到期的銀團貸款共接近310億美元（約 2418億港元），其中最大6宗的貸款金額已達83億美元（近

3 Feb: 準備迎接反彈

2009-02-03T08:37:00.003+08:00

週線圖上,20週線位於約14297,並以每週逾300點既幅度下跌;10週線位於13931,並以不逾100點既幅度下跌,按這樣發展,預計後週就會出現20週線跌破10週線既情況,反映市場已嚴重及持續超賣.另外,今週暫時係陰燭,並是連續第五週係陰燭.自07年10月見頂以來,週線圖最長既跌浪都係五連陰,曾於08年6月及9月發生.水星逆行已於2月1日完成.1月23日/24日既上升裂口(約12600/13150)正在發揮支持.杜指7449既支持會好多,唔會咁易一下子跌破.上證可能於2000點守穩.我認為以恒指約12400果個低位止蝕,如今日平開,造好係好值搏.我個人係揀股,但會以恒指為大前提,如果睇唔好恒指,我都會沽出持股,因為響大市回跌之際,要揀上升既股份係更加難.所以買股既大前提係看好恒指.老調重彈,目標包括848,2722呢兩隻亳子股,另外於兩大跑贏大市既板塊(鋼/水泥)各揀一隻,我揀左重鋼

1 Feb: 週線圖看中長期走勢

2009-02-01T11:00:00.003+08:00

從過去既幾個牛熊牛轉換,週線圖都有一定既啟發性,太細緻既難一概而論,當一般而言,牛->熊->再牛既過程中,週線及其平均線既差距均有先收窄後擴闊既趨勢.94頂至97頂:97頂至00頂:00頂至07頂:07見頂後,104週線(約2年)於08年8月才開始緩慢下降;而近日,週線,13週平均(約3個月)及26週平均(約半年)已開始於13500~14000之間匯聚:但係52週及104週尚處頗高位置,顯示中長期下跌趨勢未變.-----過去,我認為今次見底既方式,不外乎好似98年果種V形(底部好尖,窄,急),或03年果種陰U形(底部平坦,闊,慢).觀乎去年10月至今既恒指走勢,霸氣欠奉,較難成為98式見底,所以我個人傾向會係03年果種.如果好似03年咁,要考慮既其一因素係當年有沙士直接衝擊本地樓市及經濟,我估計部份讀者未必體會到當年係乜野境況,舉個例子,貝沙灣可以做3000零蚊呎,

31 Jan: 名單

2009-01-31T19:59:00.002+08:00

投機而已.38297347813817848113812242722332339683983只要恒指10天線再守多一次(現於13075),恒指可望成功築底.雖然之前認為仲有急跌既機會,但我相信上面既股份普遍抗跌力會頗強.

30 Jan: 小心跌勢轉急

2009-01-30T08:43:00.002+08:00

琴日高開低收,13700/13100下跌裂口再度發揮阻力,已經係第二次挑戰未果.10天線今日好大可能得而復失,延續下跌勢頭.琴日升穿,今日又跌穿,確定琴日係超賣後既反彈.週線圖上,今週將會係連續第四支陰燭,亦係連續第三週收低於10週線.從週期及水星逆行看,恒指將近循環底部.所以,未來有機會跌勢轉急,快速試一次11800/10676底部.

29 Jan: 大學生職位大跌32% 見07年以來新低薪酬料7000至9500元

2009-01-29T09:12:00.002+08:00

【明報專訊】本港勞動市場步入寒冬期，大學生就業前景更嚴峻。聯校就業資料庫公布去年9至11月數據，供大學畢業生申請的職位有1712個，較2007年同期下跌32.4%，見07年首季度以來的新低。由8間大專院校組成的聯校就業資料庫，每3個月公布職位空缺情况及薪酬，於去年9至11月提供職位的僱主數目為925個，較07年同期大跌27.8%，其中金融機構提供的空缺，由07年的94個下跌43.6%至最近期的53個。航空業減九成醫療服務業逆市升除金融機構職位銳減，航空及航運業同為「重災區」，職位大跌90.9%至僅餘1個（詳見表），「逆市上升」的職位有醫療及健康服務，職位數目上升44%至23個。薪酬方面，提供8000至1萬元、1萬至1.2萬元薪酬的職位數目，分別跌45%及34%，但2萬至2.6萬元以上高薪職位數目則增加兩成至五成。合眾人士顧問總經理蘇偉忠指出，農曆新年過後是傳統找工旺季，

29 Jan: 14000

2009-01-29T09:10:00.001+08:00

簡單既技術分析,其實好管用.唔駛太複雜.恒指日線:1,2,3都係頂,極大阻力.RSI係超賣再超賣,如果今日高開到尾,又破到兼守到10天線,以至上圖"4"既13700/13100下跌裂口,配合上證企得穩2000點,大市可望彈多一陣,但下跌勢頭未變.而家黎入市既值搏空間較細.保守既原因係,走勢實在太似去年3-5果個令人萬劫不復既反彈,10天線再度向下彎,跌破50天線後已經6日持續向下,開始偏離50天線,弱勢已成,唔會咁易扭轉.保守係有理由.週線圖令人更加抽離於太短線既波動:14000係50天線及10週線既匯聚,阻力極大.要突破及守穩,並非一朝一夕既事.

22 Jan: 任總：海嘯第二波將臨指威力更嚴重傳染力更高

2009-01-22T08:54:00.002+08:00

【明報專訊】全球金融形勢持續波動，近日一再有歐美大型銀行再次要求政府注資，外匯市場也大幅波動，例如英鎊兌美元匯價昨日便跌至7年多以來的新低，金管局總裁任志剛昨日明確向大眾發出預警，指較去年9月更嚴重的「第二波」金融動盪正在來襲，帶來的「傳染性」會更高，本港金融市場難免會受到影響。他又預料外匯基金繼去年錄得749億元破紀錄的虧損後，今年的投資環境仍然會十分困難。在這樣的經濟形勢下，本報記者獲悉，今日由特首曾蔭權親自主持的第三次經濟機遇委員會，將討論如何應付即將來到的「畢業生失業潮」，預料會後會宣布一些紓緩措施。去年9月15日，美國雷曼兄弟申請破產管理，觸發全球金融海嘯，任志剛稱之為金融危機的「第一波」，而在去年11月開始略有改善以後，他認為「第二波」的徵狀現已陸續浮現。百年一遇的金融危機和信貸緊縮，令整體投資環境動盪不已，拖累外匯基金去年錄得歷來首次全年虧損，投資損失高達749億元

21 Jan: 大插插在後

2009-01-21T21:04:00.002+08:00

仲有大插插?對.呢兩日出左差無睇市,相信抽離出黎去睇,可能更好.而家個市係醫院位黎,唔上唔落,之前講等5日之期亦已過,市況迅速轉弱,反映10月以來至1月初只係一個幅度較大既反彈;如果係強勢延續,擺動指標唔會處於超賣水平咁耐.呢個唔上唔落既位,從短線投機角度考慮,造好唔值搏了.一係等大成交大插插,一係等佢跌多一排後,有大成交破位大升先做第二個去追.長線投資?...well...乜野係長線投資?

17 Jan: 國指係主角

2009-01-17T00:36:00.003+08:00

國指日線及週線圖:兩個字:不妙.日線圖,近日既上升只係跌破下降楔形既後抽.10天線已明顯向下彎,響出現死亡交叉附近時間,配合後抽,會有明顯反彈,但往績顯示,反彈後係要再插,而且力度可以好大,速度可以好急.週線圖,7個星期來(12月以來)首次收於10週線下.弱勢難收.總結,經過呢幾日既乏力反彈,下跌偱環變得更加強力,尤其係前日破腳穿頭,尾市越升越有既情況下,琴日升勢乏力牽強,未能延續,可見市場造好既力量實在欠奉.不進則退.中國係香港未來發展既concept,國指一定要跑贏恒指,否則大市升勢都只會係虛火.所以,轉以國指為本位,恒指為輔吧~

16 Jan: 東尼... ...

2009-01-16T08:56:00.002+08:00

太老,太多經驗,令到人太主觀,一個林森池,一個係東尼...唔駛講,睇錯左就睇錯左:東尼維護愛股：匯控跌至50元大摩不再存在知名投資人東尼一直視匯豐控股（0005）為愛股，尤其喜歡匯控派息吸引和作風穩建，他的投資組合一直有大量匯豐股票。即使在07年匯控的次按問題曝光後，他也不離不棄，力撐匯控值得投資，不過面對愛股股價一浪低於一浪，近日他已轉了口風，早前接受媒體訪問時表示：「以前我可以不顧一切去推介匯豐，但現在也會感到猶豫。」儘管如此，東尼昨日接受本報記者訪問時，仍然為匯控的投資價值辯護，指「如果匯豐跌至50元，摩根士丹利也不會再存在」。他認為大摩調低匯豐目標價至52元，只是預測，受很多因素影響，「要視乎有多少人相信摩根士丹利說法，也要看手持匯豐的股民中，有多少人會沽售」。他不諱言受利潤影響，匯豐股息在未來會有可能調低，但這純屬預測，可能正確，也有可能不正確，要看08年的業績及派息，

15 Jan: 做世界

2009-01-15T08:55:00.002+08:00

一有任何弱點,就會有一班人出黎做世界.IBANK未死,你睇大摩一個52蚊,匯控同個市就散哂.如一旦匯控真係削派息,長線基金都會離佢而去.匯控係香港乃至全球經濟既溫度計黎,走唔甩架啦.I KILL U LATER無了,ELN威力猶在.-----國指琴日個走勢份外樣衰,完完全全係跌破上升楔形既後抽格局.坐穩了.

14 Jan: 5日時間

2009-01-14T08:54:00.003+08:00

眾多擺動指標已是超賣,如11月中以來既中強勢未變,5日內擺動指標應該要回升並脫離超賣區域;若未能脫離,則表示由9月以來既大弱勢持續.接跌落黎既刀,我一定會止蝕,過去既教訓太深了.5日吧~俾5日佢吧~

13 Jan: 開始吸納

2009-01-13T09:04:00.002+08:00

摸唔到底,開始重新部署了.目標以不高於昨收市,以1/4資金買入297,308,2722,3323,3339.坐艇,就坐了.

11 Jan: "冬天到了,春天還會遠嗎?"

2009-01-11T11:22:00.005+08:00

首先要講句,我之前個看法的確有好大既疏忽...可能我炒個股炒得忙形,對大市既研究太淺了.下圖係恒指日線及週線圖:50天線係14176,10週線係14166,所以如確認跌破14166,代表短期及中期平均線顯示既支持都失守,趨淡既效果更大.日線圖上,一個疑似上升楔形正在運行,第一個底係10676,第二個底係11814,第三個底目前係響13700附近(12月24日低位為13855).個人維持認為10676已是底部,因為該底部發生既條件眾多,部份係一次性既,咁既巧合性質上並非"recurring",所以10676係可一不可再既底部.當越來越多市場觀點認為呢個經濟低潮係二次大戰來最勁,甚至係大蕭條以來最勁,咁就會做兩手準備,其一,就係會獲利,逢高就獲利既市場,泡沫產生既機會就降低,雖然會令升途舉步為艱,但免卻大起大落既風險.從週線圖上可以印證呢一點.2008年3月既"雙島轉向"反彈,

11 Jan: 僧多粥少

2009-01-11T10:11:00.004+08:00

全球一齊大印銀紙,所謂既"僧",就係我地渣住既銀紙.我地用銀紙去買野,有人D錢會唔知燒左響邊,有人會尋求為銀紙增值.好肯定環球既銀紙,響呢個風暴後,會急劇增大,而家暫時泊響銀行體系,但信心回穩(或,信心響谷底)既時候,呢D銀紙會走返出黎...大駛慣既美國人,而家都傾向改變呢個大駛既習慣...錢儲落左,就會追尋增值既途徑.增值既途經,就係"粥"了.點解有人嗌買黃金,我估就係呢個原因...因為自地球出現後,黃金既數量就已經固定左(爭在我地搵唔搵到),係得100個單位,1909年係有100個,2009年都係得100個,但1909年有100個單位既銀紙,2009年可能已有1000個單位了.但,黃金對我黎講,唔係好既投資,第一,渣住舊金,佢generate唔到任何野,派唔到息,又發唔到電,得個擺字;第二,我買呢舊金,仲要搵個安全地方擺,要俾倉租.其實好既公司,亦係"粥"黎,經過呢個金融海潚,有D

9 Jan: 嚴守止蝕

2009-01-09T01:04:00.003+08:00

唉,琴日太倉促,忽略左恒指既惡劣形態..."穿頭破腳"加"上升楔形"尖端...不過,如果以10周線止蝕,今次就當輸左期權金咁,當搏錯左邊吧~沽壓已累積左好耐,呢兩日係一個開始... 所以今次又要轉一轉思維 - 今後一段時間,係易跌難升,同去年11月至今年頭既情況調轉.我就唔會逢高造淡,工作容許唔到,但我暫時唔會買野住了.

8 Jan: 14700,值搏

2009-01-08T09:03:00.002+08:00

信念:- 未必會超過三連陰(今日收陰就係第三支)- 10天線(14700)及10週線(約14200)有支持如堅守14200作止蝕,如今朝一低開到14700附近造好,500點止蝕,上望目標係要破15800阻力上挑18000,咁既計算下,今朝低開後造好應該值搏.較落後又較穩陣既,好可能係滬深300<2827>.

7 Jan: 黃金交叉為警號

2009-01-07T00:38:00.003+08:00

對.我講既係50MA升破100MA既黃金交叉.雖然,恒指既50MA離100MA仲有好遠(14025 vs 16401),但個別強勢股份,50MA已經開始接近100MA.此為嚴重超買既其一信號.大市自去年10月27日低見10676後,已反復回升逾兩個月,除左11月中下旬急跌外,大部份時間係大漲小回...咁強既升勢,並非去年3月中既反彈可比.物極必反,逾兩個月既升勢,響超買再超買既情況下,唔大調整,都要抖一抖.但係,我已大膽假設大市已開始步入疑神疑鬼既牛市初期,所以一D比較簡單,但可能好管用既介條不妨可以參巧下:- 跌市唔過三,意即唔會連跌三日;- 回吐幅度甚少超逾升幅既1/3- 上升裂口會有強勁支持(目前未補既上升裂口為2~5 Jan果個15042~15349,故15000應該係一個極強既支持位.- 成交維持較淡靜,如近日出現既500億成交,可能10日先會見到一次,大部份時間會係300

6 Jan: 紅底股乍現?!

2009-01-06T13:12:00.000+08:00

講緊既係哩隻:唔好以為仲爭好遠,三扒兩撥就到架啦~對大市既啟示,唔駛多講了.即管睇下佢企唔企到100MA.-----市場當日響邊個位開始恐慌,就以果個位為目標吧~縮窄範圍,三主力分別為茂業<848>,中逾<1224>及重慶機電<2722>,拖隻龍工<3339>.其餘名單要保持留意,否則又會錯失.

6 Jan: 《支持重庆城乡统筹试验的意见》

2009-01-06T06:17:00.004+08:00

(来自：21世纪经济报道)在2008年12月31日召开的国务院常务会议上，国务院下发了《支持重庆城乡统筹试验的意见》，并批复了重庆综改区综改方案。重庆综改试验正式全面起航。　　重庆综改方案于今年7月上报国务院，综改方案涉及7个方面的试验内容，历经半年得以顺利批复，其中在上报方案中提到、备受全国瞩目的全国第一家农村土地交易所已于2008年12月4日挂牌成立，这一要素市场的建立，为重庆的综改的主题——“城乡统筹”树起一根立柱。此外，重庆此次获得了多项金融支持政策，这也让其打造“长江上游地区金融中心”的梦想得以更快落地。　　在2008年这一年中，国务院一共批复了4份综改方案，分别是3月批复的天津综改方案、9月批复的“武汉城市圈”综改方案和刚刚在一周前批复的“长株潭”综改方案。　　“盘活农村集体建设用地”成综改重点　　依托年中上报国务院的重庆综改方案，重庆提出了申请开全国风气之先的“

5 Jan: 2827 and friends

2009-01-05T06:54:00.003+08:00

1) 13,26,52,104週線代表3個月,半年,一年及兩年既平均週線.2) 從2008年1月及3月可見,13週線跌破長週線既所謂"死亡交叉"出現前約兩週,就會開始反彈...引用林SIR所講,死亡交叉係買入迅號,因為其出現代表左市況已相對長期超賣.3) 2008年7月初13週線"吻別"26週線,及同年8月初週線"吻別"13週線既見頂威力十分具大.4) 將2007年3月及8月既底,及2008年3月及7月既底連結,再將2007年10月及2008年5月既既頂連結,會出現一個大形三角形,量度跌幅為約12000點,並於2008年8月中跌破,目標水平約9700點...離2008年10月既10676底部,相距不足1000點.而10676係響幾個極端情況下產生:- 信貸危機既終極恐慌- 銀行同業拆息暴升- VIX恐慌指數極端高位- 擺動指標如RSI超賣再超賣- HSBC既ELN殺倉- 07年高位產生既

4 Jan: 黑塚

2009-01-04T10:59:00.003+08:00

呢齣動畫好睇,Opening同Ending都好正:

1 Jan: ^_^

2009-01-01T13:23:00.004+08:00

^_^1. 通縮一旦開始,唔會咁快逆轉,就好似去年通漲一樣...因為呢個係一個經濟週期既體現...而且通縮預期亦令市場自我實現呢一個週期.通縮,會影響市場既投資及消費行為...去年通漲,人們就會尋找對抗通漲既方式 - 就係要買野保值,唔好持有現金...但係如果通縮,就會係恰恰相反.當然,係咪一定會出現通縮週期呢?我唔知.但係...牛去熊來,合久必分,陰晴圓缺...循環是也...通漲後產生通縮,實在係合情合理既階段.2. 去年初溫總或要控制全年通漲響4.8%既水平,結果係做唔到既...可見,雖然中國係強勢管治,但好多野唔係話你想點就點,個過程係咁樣就係咁樣;如今,政府高調為保八而戰,實際意義可能唔係咁大...睇慣左每年10%既增長,自然覺得5-6%增長係好駭人...但係中國經濟過去6年既高增長,GDP由2001年既109,655億人民幣,升至2007年既246,619億人民幣,

31 Dec: New Year

2008-12-31T08:41:00.003+08:00

恒指力守10週線,如果今個wk收響其上,就係連續4週收於10週線之上,雖然如前述,15000搞得太耐非利好,但係年結前亦無力跌回14000之下,其實無乜特別啟示.前瞻D去估,就要估計大戶2009年一開波會上點做.個人認為,1月都應該會靜既...大升後大跌...大跌後大升...熱情後冷卻...冷卻後熱情...成交已經顯著萎縮,上年動輒過千億成交,呢兩日都係300億樓下,成交萎縮既幅度已近完成...但幅度而已,未到闊度,闊度指既係時間,如我無記錯,前日先係整個熊市首次成交低於300億...響DELEVERAGING既效應該逐步浮現後,成交應該要持續萎縮一段長時間,構築一段長期底部,做就大市東山再起既條件.的確,而家開始(或繼續)做一D如月供股票咁既計劃,時機實在十分合適.對於經濟展望,其實已經係眾所週知既事,個個都預期經濟會繼續下滑,咁呢一刻就會勒緊褲頭,減少消費,咁商家收入減少,

21 Dec: X'mas

2008-12-21T12:32:00.008+08:00

包括我自己,當初都將牛市及中國黃金廿年無窮放大,跌到25000又覺得無可能穿20000,跌到20000又覺得無可能穿817個"低位,破了,又覺得唔會去到15000,話甚麼mispricing得太緊要,dividend yield好高云云(睇返我自己既舊文就知了),然後,都黎唔切驚慌,就已經跌到去10676...仲記得當日有好多人話要同沈大輸做相反...一有人唱淡,就被口誅筆伐...亦有好多自命不凡既bloggers(應該都包括小弟:p),自以為自己睇市好神準,見慣風浪,越跌越買岩架啦,好股長渣啦,好平呀云云... ...講返呢D野,笑下自己既無知,都不失為一個改良既方法.既然,大市高低位已出現67%既跌幅(真係岩岩好,2/3),就算連阿毛都知而家香港及大陸以至全球經濟都係"THE WORST IS YET TO COME",不妨從一個技術層面看看恒指可能出現既走勢.唉,

19 Dec: 宿命?

2008-12-19T08:17:00.004+08:00

如果匯控真係供股,又,如果全年派息金額保持不變,其實即係變相減派息了...至少對股東而言,個感覺係一樣...傳左兩日,匯控股價毫無支持,琴晚ADR缺提一樣,兵敗如山倒,應該已經顯示傳言既真偽了.真係慘,其他二三四五線股我近月都執左唔少,反而係最穩陣(當初以為)既匯控,一直係積弱,彈都無乜點彈...離場既時機都已經過左...所以話,"名牌"既迷思,的確要避免.-----我諗好多人(包括我)都等左今日好耐...響好多股都極度超買既情況下,今日跌其實都好合理,關鍵係低開後會唔會低走...而今時今日,股市週期縮到好短,運行左一年既熊市,仲可以有單日5-10%(指數喎)既波幅,實在好可怕,我自己就以保命為第一位...歷來既熊轉牛時段,都係好"蝦人"玩既,我就唔想忐忑不安了.維持股票比重響一個進可攻退可守既水平吧~

18 Dec: Condition Precedent - US T-Bonds

2008-12-18T08:38:00.003+08:00

可能,US T-Bonds(美國國債)價格見頂,係股市展大升浪既其一先決條件.資金瘋狂買入收益率不斷下降既美國國債(收益率跌,債價升),如果係被動買入,只能夠話係搵一個資金避難所;如果係主動買入,出於既應該係兩個預期:- 聯儲局會買入國債,推高價格;- 美元升值(?!)一個貨幣既升值預期,會係買入以該貨幣為結算單位既債務既誘因,例如,一年前1港元兌1人仔,咁你響一年前買入100蚊人仔債券,係用100蚊港元成本(唔計燈油火蠟啦),假設係一年期,年利率3%,一年後你收返既係103蚊人仔,但係匯率已經係1港元兌0.9人仔,即係103蚊人仔已經係114.4港元了;如果同期港元債券年利率都係3%,到期就只係收返103蚊港元罷了~但係,美元真係會長升?陶冬話美元係7年週期,2001~2008係跌,而家開始就係上升週期了.另外一個因素,係匯率只係一個相對概念-成班學生都係band5,咁如果中間有一個

17 Dec: 連升的日子

2008-12-17T08:37:00.002+08:00

輕輕睇一睇由去年30/10見31958至今,連升4個交易日或以上既日子:15/12/08 ~ ???????? 25/11/08 ~ 1/12/08 連升5日 (13.3%) 30/10/08 ~ 27/10/08 連升3日 (30.1%)16/7/08 ~ 21/7/08 連升4日 ( 6.4%)21/4/08 ~ 24/4/08 連升4日 ( 6.1%)1/4/08 ~ 7/4/08 連升4日 ( 7.6%)24/3/08 ~ 28/3/08 連升4日 (10.3%)12/2/08 ~ 15/2/08 連升4日 ( 6.8%)28/11/07 ~ 6/12/07 連升7日 ( 8.6%)其中我例出一個連升三日既日子,其實連升三日既日子都有幾個,但係上面呢個更具意義-見10676既低位,而三日升幅竟達30%!而今日肯定大升,配合A股又發下顛的話(